عمرك سمعت بطير ويحب سجانه
من شافك انت نسى وش تعني جنحانه
أنا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشد عينه السما ولا يريد طير
هذا الغلا والحب من الله سبحانه
عمرك سمعت بطير ويحب سجانه
*****************
انت زرعت الوفا وامسيت هدانه
انت الوحيد الذي احيا علشانه
ما اقدر اعيش بدونك يادنيتي والكون
والله وغلات عيونك ما انساك مهما يكون
قربك لقيت الدفا لانك ياحبي غير
كل ما حلمت بوفا القاك له تفسير
هذا الغلا والحب من الله سبحانه
عمرك سمعت بطير ويحب سجانه
*****************
قبلك فؤادي انا غارق في احزانه
واليوم حبك ترى نساه حرمانه
يا تاج راسي محبك يا تاج فوق الراس
تحلا الحياه في قربك ياسيد الأحساس
ماعمر قلبي شكى في دنيتك تقصير
مهما يا ذخري حكا يعجز عن التعبير
هذا الغلا والحب من الله سبحانه
عمرك سمعت بطير ويحب سجانه
